Հոկտեմբերի 20-26 – սովորողների աշնանային արձակուրդ, ուսումնական-հայրենագիտական ճամփորդություններ, ուխտագնացություններ, դպրոց բնության գրկում,մանկավարժական աշխատողների աշնանային դպրոց
Նախագիծ
Նպատակը`
- Շրջապատը հետազոտելու, խնամելու, պահպանելու, բարեկարգելու կարողությունների զարգացում
- Բույսի, եղանակի, երևույթի, առարկայի, օրվա փոփոխությունների դիտարկում
- Թվային միջոցներից օգտվելու կարողությունների կիրառում
- Power point ծրագրի կիրառում
Խնդիրները
- Կարդալու հմտությունների զարգացում
- Հոգատար վերաբերմունք զարգացնել բնության նկատմամբ
- Համալրել շրջակա աշխարհի մասին ունեցած գիտելիքներն ու տեղեկությունները
- Օգտագործելով թվային և մեդիա միջոցները գրանցել բնության և եղանակի փոփոխությունները
- Հարցազրույցներ վարել ծանոթ-բարեկամների, տատիկ-պապիկների հետ աշնանային գյուղատնտեսական խորհուրդներ` ծառատունկի, աշնանային բակ-պարտեզի աշխատանքների մասին
- Օգտվելով տեղեկատու գրականությունից (բառարաններ, հանրագիտարաններ,համացանց) ստեղծել տեղեկատվական բնույթի նյութեր
- Էլ փոստի օգնությամբ ուսուցչին փոխանցել ստեղծված նյութերը
Աշխատանքը`
- Մեր բակի աշունը-ֆոտոշարքի ստեղծում
- <<Աշնանային խորհուրդներ>> հարցազրույցների և պատումների ձայնագրում
- Շրջակա միջավայրում հանդիպող բույսերի տեսակները
- Շրջակա միջավայրի եղանակի տեսությունը
- Շրջակա միջավայրի փոփոխությունը
- Ուսումնական ճամփորդության, բերքահավաքի կազմակերպում
Աշխատանքի ընթացքը
Շրջակա միջավայրում հանդիպող բույսերի տեսակները
Սովորողները պետք է ներկայացնեն իրենց շրջակա միջավայրում (դպրոցի բակ, մոտակա անտառ, բացատ) հանդիպող բույսերի կամ ծառերի տեսակները: Նրանք պետք է յուրաքանչյուր բույս կամ ծառ մի քանի անգամ լուսանկարեն` ցուցադրելու նրա տեսքը, տերևը, հնարավոր է նաև` ծաղիկը և սերմը: Համացանցի որոնողական ծրագրերի օգնությամբ 5-10 նախադասությամբ տեղեկություններ հավաքեն տվյալ բույսի մասին.
- Բույսի անունը
- քանի տարի է ապրում
- ինչ պայմաններում է աճում
- մեկամյա է, թե բազմամյա
- ինչպիսի խնամք է հարկավոր
- պտղատու է, թե…
Շրջակա միջավայրի փոփոխությունը
Այս անգամ դիտարկման առարկան մեկն է` բույսը (տերև, թուփ, ծառ, խոտ), մայրամուտը, պատուհանից երևացող տեսարանը, երկինքը և այլն:
Առարկայի (դիտարկվող օբյեկտի) փոփոխությունը կարելի է մանրամասն ցուցադրել՝ համեմատելով նույն անկյունից նկարված լուսանկարները։ Լուսանկարները պետք է նկարել նույն կետից և անկյունից, այնպես որ ընդամենը մի քանի լուսանկար նկարելով՝ կարելի է նկատել տարբերությունները։ Արձակուրդի օրերին նույն կարգավորումներով նկարված լուսանկարներից հետաքրքիր ֆոտոշարքեր կարելի է ստանալ:
Շրջակա միջավայրի եղանակի տեսությունը
Սովորողները կարող են հետևել իրենց բնակավայրի կամ ընտրել Հայաստանի որևէ տարածաշրջանի օդի ջերմաստիճանի փոփոխությունները։
Իրենց բնակավայրի օդի ջերմաստիճանի փոփոխություններին հետևելու համար, անհրաժեշտ է նույն պայմաններում (օրինակ՝ ստվերում) օրը 3-5 անգամ (ֆիքսված ժամերին)ստուգեն օդի ջերմաստիճանը։
Հայաստանի որևէ տարածաշրջանի օդի ջերմաստիճանի փոփոխությունները գրանցելու համար` համացանցում որոնում են տվյալ շրջանի՝ հնարավորինս ճշգրիտ ու համապատասխան ժամանակահատվածի դրությամբ եղանակի տեսությունը:
Կարող են օգտվել հետևյալ կայքերից.
Օգտագործելով հավաքված տվյալները՝ սովորողները PowerPoint ծրագրի միջոցով պատրաստում են ներկայացում, որն էլ հրապարակվում է դասարանական բլոգում:
Բերքահավաք
Քանի որ աշնանային արձակուրդները համընկնում են բերքահավաքի հետ, կարելի է մասնակցել նաև այդ գործընթացին: Նախօրոք հարց ու փորձ անել ծնողներին, գործընկերներին, թե ով խնձորի կամ խաղողի այգի ունի: Ստանալ նրանց համաձայնությունը և մասնակցել բերքահավաքին:
Նախագծի իրականացումը
- Նպաստում է սովորողների դիտողականության, շրջապատում օրինաչափություններ նկատելու, դիտարկելու, վերլուծելու կարողության զարգացմանը
- Ձևավորում է շրջապատի, բնության հանդեպ հոգատար վերաբերմունք
- Նպաստում է երևույթներին հետևելու, հետևություններ անելու հմտությունների ձևավորմանը
- Անհրաժեշտ ինֆորմացիան ձեռք բերելու կարողությունների ձևավորմանը