«ՌոդարիկներTV». հեռուստաթատրոն #4

Շուրջտարյա նախագիծը՝ այստեղ

Առցանց ուսուցման պայմաններում նկարահանեցինք մեր 4-րդ հեռուստաթատրոնը, կենդանացրինք Հ. Թումանյանի «Չարի վերջը» հեքիաթը.

«ՌոդարիկներTV». թողարկում N2

«Մկների ժողովը» մատների թատրոն

Ձեռքերի  միջոցով պատմելն օգնում է երեխաների երևակայության զարգացմանը: Մատիկների վարժանքը շատ անհրաժեշտ է հատկապես փոքրիկների՝ նախադպրոցական և կրտսեր դպրոցական տարիքի երեխաներ համար:
«Մատների թատրոնում» մատները դառնում են փոքրիկ դերասաններ և օգնում են երեխաներին մտնել դերի մեջ,  խթանել նրանց երևակայությունը, օգնել տեսնել հերոսներին  «ներսից»՝ մտնելով կերպարի մեջ: Երեխաների համար շատ հետաքրքիր կլինի, եթե փոքրիկ բեմականացումներն իրենք ներկայացնեն: Բացի գեղագիտական դաստիարակությունից,  այդպիսի ներկայացումը կարող է նպաստել երեխաների խոսքի զարգացմանը: Այն հնարավորություն է տալիս փոքրիկներին դառնալ ավելի արտիստիկ,  ներկայացնել այն սեփական ընկալման տեսանկյունից: Այս ամենը նպաստում է երեխաների բազմակողմանի զարգացմանը:

Այն օգնում է մանկավարժական դասընթացը դարձնել առավել կենդանի,  հետաքրքիր և արդյունավետ:

Սովորողները գունավոր թղթերով տեխնոլոգիայի ուսումնական պարապմունքին պատրաստել են մատների համար թղթե մկնիկ հերոսներ;

Կատարել ենք դերաբաշխում և խաղացել;

Արդյունքը՝

Հեռուստաթատրոնը՝ որպես շուրջտարյա ուսումնական նախագիծ

Նախագծի անվանումը՝ «Ռոդարիկներ TV»

Ժամկետները՝ շուրջտարյա

Մասնակիցներ՝ Հարավային դպրոցի 3.1 դասարանի սովորողներ

Նպատակը՝ դասարանական- թատերական ներկայացումների միջոցով կենդանացնել հայտնի հեքիաթներ եւ բանաստեղծություններ, շաբաթական թողարկումներով այդ ներկայացումների մեդիատարբերակները հրապարակել որպես հեռուստաթատրոն Հարավային դպրոցի ենթակայքում, գլխավոր կայքում, Սեբաստացի TV- կայքում

Հեռուստաթատրոնի շնորհիվ սովորողների մոտ զարգանում է՝

  • նախաձեռնելու, համախմբված աշխատելու հմտություններ: Փորձերի ընթացքում նրանց մոտ ձևավորվում է փոխզիջման եւ փոխըմբռման հատկանիշներ:
  • Ինքնարտահայտվելու կարողություն: Սովորում են հստակ արտաբերել բառերը, կառավարել իրենց ձայնը, խոսքի տեմպը, յուրաքանչյուր դերին տալիս են բնավորություն, բնորոշ ձայն:
  • ՏՀՏ հմտություններ. ձայնագրիչի, լուսանկարչական ապարատի միջոցով, սովորողները իրենց խոսքը ձայնագրում են, լսում միմյանց , դիտողություններ անում, աշխատում, որ այն դառնա ավելի արտահայտիչ ու լսելի: Դերասանական հմտությունների զարգացման գործում մեծ է տեսագրման սարքի դերը, որի միջոցով ամեն սովորող կարողանում է ինքն իրեն անմիջապես տեսնել:
  • երաժշտական տակտը, ռիթմը, ծանոթանում են երաժշտական ժանրերի հետ:
    • Գեղագիտական ճաշակը: «
    • Տեխնոլոգիական հմտությունները:
  • Արագ կողմնորոշվելու կարողությունների զարգացում: Սովորողներն իրենց զգում են իբրև հեռուստաթատրոնի իրական դերասաններ։ Միայն այս մտքից նրանք ավելի ու ավելի են ոգևորվում և նոր իմպրովիզներ են անում բեմում:
  • Աշխատասիրության, պատասխանատվության, ուշադրության դրսևորում:
  • Բարդույթներից ազատագրում: Բեմում հանդես գալ, բազմաթիվ հեռուստադիտողի առջև դերասանական հմտություներ ցուցադրելը նպաստում է , որ մի շարք սովորողներ դառնան ավելի ազատ ու անկաշկանդ:
Continue reading

«Ամանորյա երազ» դասարանական ներկայացում

Բեմականացման հիմքում բոլորիս կողմից շատ սիրված «Գտնված երազ» մուլտֆիլմի հերոսներն են։ Սովորողները կիրառելով ռոդարիական հնարքներ՝ փոխել են սյուժեն, հերոս պապիկին դարձրել «Ձմեռ» պապ, իսկ աղջկան՝ ամանորի հրաշք սպասող աղջնակի։

Ներկայացման ընթացքում հնչում են Ռ.Հախվերդյանի «Ձյուն», «Գիշերվա աստղազարդ երկնքում» երգերը, «Դինգ-Դոնգ» երգը, անգլերեն “We wish you a Marry Christmas՚՚,”Jingol bells”, ռուսերեն ‘Елочке не холодно зимой», «В лесу родилась елочка» երգերը։

Էկրանին պտտվում է ներկայացման սյուժեյով սովորողների պատրաստած անիմացիոն մուլտֆիլմը, որը նրանք դրվագ առ դրվագ նկարել են Paint նկարչական ծրագրով։

Ուսումնական ճամփորդություն Մայլան թատրոն:Ամփոփումը՝ ռադիոթատրոն

Ճամփորդության օրը՝ մայիսի 3, ժամը 10:45-13:35

Մասնակիցներ՝ Հարավային դպրոցի 2.1 դասարանի սովորողներ

Ներկայացման անվանումը՝ «Շրջված երազ»| Դոնալդ Բիսեթի հեքիաթների մոտիվներով

Բեմադրությունը՝ Նարինե Մալյանի

Դերերում՝ Սամվել Թոփալյան, Վահագն Գասպարյան, Աստղիկ Աբաջյան, Քրիստինա Հովակիմյան, Սյուզի Ադամյան

Յուրօրինակ ճանապարհորդություն դեպի մանկություն: Ներկայացում 105-ից 5 տարեկան երեխաների համար:

Խնդիրները՝
ճամփորդական կանոնների պահպանում ու կիրառում.
ստեղծագործական մտքի զարգացում (ռոդարիական հնարքներով աշխատանք)
էլեկտրոնային բառարանի գործածման հմտության զարգացում
բնութագրելու, նկարագրելու հմտությունների զարգացում (կերպարների, հերոսների նկարագրում, բնութագրում)

Նկարագրությունը
Ճամփորդության նախապատրաստական փուլ

ճամփորդական կանոնների քննարկում
ճամփորդությունից հետո տպավորությունների ամփոփում պատումների,  տեսքով.
Ճամփորդության ընթացքում սովորողները այցելում են թատրոն, դիտում են ներկայացումը: Ճամփորդության ամփոփման փուլում սովորողները պատրաստում են ռադիոթատրոն.

Նախագծի ամփոփումը՝

«Ծիտը» տիկնիկային-երաժշտական ներկայացում


Թումանյանի ստեղծագործությունները միավորելով պատրաստվել ենք տիկնիկայիներաժշտական ներկայացում։
Ներկայացման հիմնական մասը խաղում են Արթուր Շահնազարյանի մշակմամբ, իմպրովիզները՝ Թամարա Մարիմյանի.
Համագործակցում երաժշտության դասավանդող՝ Մարիամ Մնացականյանի հետ:
Տիկնիկները սովորողները ընտրել են իրենց խաղալիքներից՝ նմանեցնելով կերպարներին։ Հումորային կերպարներ կան։
Տիկնիկներին խաղացնում են շիրմայի ետեւից , իսկ թատրոնի երաժշտական մասն ապահովում են խմբային երգեցողությամբ, խմբային պարերով, շարժումներով։
Դասարանական թատրոնի հիմքում ինչպես նշվեց «Ծիտը» հեքիաթն է, սակայն հնչելու են Թումանյանի բանաստեղծություններից «Ծիտիկի օրորք», «Ուլունք», «Ախ՜, ինչ լավ է» բանաստեղծությունների երաժշտական տարբերակները։ Երգում են հարսանեկան ծիսական երգ՝ «Այլի՜, հո՜», գուսանական երգից մի հատված, «Ծիտը» հեքիաթի «Ծիտիկի երգը»։