Բնագիտական նախագիծ

Կրտսեր դպրոցում բնագիտության դասերը դիտվում են որպես պարզագույն բնագիտական փորձերի շարք: Բնագիտության դասերն առանձնահատուկ են իրենց կազմակերպման ընթացքով, ձևով ,բովանդակությամբ: Բնագիտական փորձերը համապատասխանում են երեխայի տարիքին և հետաքրքրություններին: Դրանք կիրառման համար պարզեն և մատչելի, օգտագործվող առարկաները և նյութերն անվտանգ են: Բնագիտական գործունեությունը սովորողի ուսումնական գործունեության բաղկացուցիչ մասն է կազմում , ձևավորում է սովորողների մոտ տարրական հմտություններ, տարալուծվում ընդհանուր ուսումնական պրոցեսի մեջ: Բացի այդ, երեխան բնագիտական գործունեություն կատարելիս դառնում է հայտնագործող, ինքն է հայտնագործություն կատարում , ապրում է իմացումի մեծ հրճվանք և ուրախություն:

Նպատակը`

Դիտողականության, շրջապատում օրինաչափություններ կատելու դիտարկելու, վերլուծելու կարողության զարգացում

Բնագիտական փորձի հիման վրա բնագիտության մասին տեղեկությունների հաղորդում

Պարզագույն փորձերի կազմակերպում և իրականացում

Երևույթներին հետևելու, հետևություններ անելու հմտությունների ձևավորում

Հետազոտության, փորձի միջոցով իրեն անհրաժեշտ տեղակատվության ձեռք բերում

Խնդիրները

Փորձերի ընթացքն ու արդյունքները գրանցելու կարողություն ձևավորել

Հարցեր ձևակերպել, առաջադրել և դրանց պատասխանները գտնել

Ճանաչել կարևոր տեղեկություններ, բացատրել տվյալները սեփական բառերով

Դասակարգել և համադրել կարևոր տեղեկությունները, փաստերը

Ձևավորել փորձերի ժամանակ անվտանգության պահպանման կանոնների կարողություն

Դատողություն անել տեղեկությունների մասին

Դիտարկումների հիման վրա կատարել եզրակացություններ

Բնագիտական փորձը նախ ներկայացվում է էլեկտրոնային գրատախտակին:
Փորձը կատարելուց հետո երեխաները կարող են փորձի մասին գրել, պատմել ՝ օգտագործելով հետևյալ հարցադրումները, առաջադրանքները:

Ներկայացնում ենք դրանցից մի քանիսը.

/ ասենք , որ դասավանդողը ինքը կարող է ինքնուրույն նմանատիպ հարցեր, առաջադրանքներ մշակել/

* Փորձի վերնագիրը

* Փորձի կատարման ժամկետը /ամիս, ամսաթիվ/

* Նկարագրիր փորձը , գրանցիր / Նշում են քայլերի հերթականությունը , որի հետևանքով կատարվում է փորձը/

* Նոր բառեր , արտահայտություններ/ Գրանցվում են նոր բառեր, որոնք կարող է գտնել ինքը սովորողը կամ ընկերները փորձի ժամանակ
* ի՞նչ տեսար, ինչ նկատեցիր / սովորողը նշում է իր դիտարկումները , մեկնաբանությունները /
* ինչպե՞ս ստացվեց / սովորողը սեփական բառերով փորձում է ինքնուրույն պատմել, թե ինչից ինչ եղավ, ինչու այդպես ստացվեց, անում է սեփական դատողություններ /
* ի՞նչն էր հետաքրքիր փորձի ընթացքում / մասնակիցներից յուրաքանչյուրը նշում է իր կարծիքը/

* վերջում դասավանդողն արդեն ինքն է տալիս փորձի գիտական բացատրությունը:
Բնագիտական գործունեություն իրականացնելու համար անհրաժեշտ թվային գործիքներն են նեթբուք, նոթբուք, ֆոտոխցիկ, ձայնագրիչ:
Համակարգչային ծրագրեր- Power point, Microsoft Paint, AVS

Բնագիտական փորձեր լողավազանում

Թամարա Մարիմյան Leave a comment

Փորձի անվանումը՝ «Սուզվող եւ չսուզվող առարկաներ»

2-րդ դասարանի սովորողի համար( այս դեպքում 7-8 տարեկան ճամբարականի) դժվար է հասկանալ նյութի խտություն, քիմիական կազմ։ Սակայն հեշտ է ինքնուրույն դատողություններ անելը եւ համեմատելը։ Նա հստակ պատկերացնում է ծանրն ու թեթեւը։ Փորձերը մտածել են սովորողները. նրանք ինքնուրույն առանձնացրել են առարկաները եւ սկսել փորձարկումը։

«Հրաբուխ», բնագիտական փորձ

Թամարա Մարիմյան Leave a comment

Փորձի նկարագրությունը

Անհրաժեշտ նյութեր` ավազից սար, քացախ, սոդա, գունանյութ

Փորձի նկարագրություն`Նախքան փորձը սկսելը , սովորողները էլ. գրատախտակին դիտում են ֆիլմ լավայի մասին; Քննարկում են ինչ է հրաբուխը;Երբ է առաջանում այն;

Սովորողները ավազից սար են պատրաստում , վերևից փոս են փորում, լցնում են քացախը , գունանյութը և սոդան; Քացախը և սոդան արագ ռեակցիայի մեջ են մտնում, և փրփրանման զանգվածը (կարմիր գունավումով)  դուրս է գալիս սարի գագաթից, որը շատ նման է ժայթքող հրաբուխի լավային;

Արհրաժեշտ մեդիագործիքներ` Ձայնագրիչ, թվային ֆոտոխցիկ;

Արդյունքում`փորձը նկարահանվում է, ներկայացվում ֆիլմի տեսքով; Ուսումնական ֆիլմը հրապարակվում է դասարանական բլոգում, ենթակայքում; Այն դառնում է ուսումնական նյութ մյուս սովորողների մեդիագրադարանում;

This slideshow requires JavaScript.