Ըստ <<Մխիթար Սեբաստացի>> կրթահամալիրի ուսումնական պլանի սահմանված կարգի ուսումնական ճամփորդությունները սովորողների ուսումնական գործունեության բաղկացուցիչն են: Սովորողի մասնակցությունն այդ ճամփորդություններին պարտադիր է:
Օրը` սեպտեմբերի 20
Ժամը`9:00-16:00
Վայրը` Բուժական գյուղ, Թեղենյաց վանք
Երթուղին` Հարավային դպրոց-իսակովի պող.-Հալաբյան-Դավիթաշեն-Զովունի-…
Մասնակիցներ` Հարավային դպրոցի 2.1 դասարանի սովորողներ, ուսուցիչներ, ծնողներ։
Նպատակը
- Հայրենաճանաչողություն ուսումնական ճամփորդության միջոցով:
- Սովորողների ուսման կազմակերպում ճամփորդության միջոցով:
Խնդիրները
- Գործունեության նախատեսում և իրականացում
- Որևէ գործունեության նախապատրաստվելու հմտության զարգացում
- Տեղեկատվության փնտրտուք
- Ձեռք բերած տեղեկությունները համադրելու, համեմատելու, դրանց մասին տեղեկատվություն պատրաստելու և ներկայացնելու կարողությունների զարգացում
- Թիմով ընդհանուր խնդիրներ լուծելու, խմբով աշխատելու կարողությունների զարգացում
- Ընտանիքին ներառել դպրոցական կրթությանը, մասնակից դարձնել ուսումնական գործընթացին
- Սովորողների ֆիզիկական զարգացում
- Շրջակա միջավայրի ուսումնասիրում, ճանաչում, մշակում: ճանաչողություն
Նախագծի իրականացման նկարագրություն
Սովորողները`
- Միասին ընտրում են բարձունքը` (այս անգամ Բուժական, Թեղենյաց վանք)
- Տեղեկություններ են հավաքում տվյալ բարձունքի մասին
- Հաշվարկներ են կատարում
- Աշխատանքի բաժանում են կատարում
- Մշակում են կանոնները
- Տեղում հանրօգուտ աշխատանք են իրականացում
- Տեղեկություններ ճանապարհի մասին՝ տևողությունը, կանգառները, հանդիպող բնակավայրերը
- Հանդիպած հետաքրքիր մարդիկ, տեսարաններ, ժամանակը, կանգառները
Աշխատանքի ընթացքը
2-րդ դասարանում սկսում ենք ծանոթանալ և հաղթահարել ամենամոտ և հեշտ հաղթահարելի բարձունքները: Համացանցի և հանրագիտարանների օգնությամբ հավաքել տեղեկություններ տվյալ բարձունքի մասին:
Ճանապարհորդությունն ավելի կազմակերպված և ավտանգ դարձնելու համար նախորոք պետք է մշակել կանոններ և հետևել այդ կանոններին:
Ճանապարհորդության հայտը պետք է լրացնել սովորողների հետ միասին: Մինչ ճամփորդությունը յուրաքանչյուր երեխա պետք է իմանա իր դերն ու նշանակությունը` ինչի համար է պատասխանատու, որն է իր անելիքը ճամփորդության ընթացքում: Սովորողներն ըստ նախասիրությունների բաժանվում են խմբերի: Օրինակ` սանիտարների խումբը, որն իր հետ կունենա անհրաժեշտ բժշկական պարագաներ և անհրաժեշտության դեպքում կօգնի վնասված կամ հիվանդ երեխային:
Մաթեմատիկների խումբը կհաշվարկի ճամփորդության ծախսերը, վարորդի օգնությամբ կգրանցի ճանապարհի երկարությունը, որքան ժամանակում կհասնենք նշված վայրը, կփորձենք քայլերով հաշվել բարձունքի բարձրությունը:
Սննդի պատասխանատուները կկազմեն սննդի ցուցակը, կհաշվեն սննդի ծախսերը, կպատրաստեն բուտերբրոտները և հոգ կտանեն որպեսզի բոլորը սնվեն:
Լրագրողների խումբը պետք է ներկայանա ՏՀՏ միջոցներով: Տեսախցիկ, ֆոտոխցիկ, ձայնագրիչ` կայքի նյութը, ֆոտոշարքը կամ ֆիլմը պատրաստելու համար:
Կարող է լինել բնագետների խումբ: Այդ խումբը կարող է կազմակերպել տեղանքի մաքրումը,
հանրօգուտ աշխատ
անքը, ձեռք բերել բույսերի, տերևների, քարերի տեսակներ: Դասարանում քննարկելու, ծանոթանալու և ձեռարվեստին որպես նյութ օգտագործելու համար:
Ամփոփումը՝
- Դասարանում յուրաքանչյուր սովորող պատմում է իր ամփոփումը և ուղարկում բոլորին.
- Մասնակիցները դասարանում քննարկում են։
Ակնկալվող արդյունքները՝
- Ես և շրջակա աշխարհը` ծանոթանում են տեղանքին
- Մայրենի լեզու `հավաքում են տեղեկություններ, պատմում և գրում են իրենց տեսածի և լսածի մասին
- Մաթեմատիկա` կատարում են չափումներ և հաշվարկներ
- ՏՀՏ հմտություններ` ֆոտոխցիկի, ձայնագրիչի կիրառում, ֆոտոշարքի և ֆիլմի
- ստեղծում
Ճամփորդության ամփոփում`
Նախապատրաստական աշխատանքներ`
Ֆիլմ առաջին` համացանցում տեղեկություններ են փնտրում Բուժական գյուղի մասին և ընթերցում։
Ֆիլմ երկրորդ` մեր նոր ճամփորդ ընկերները։
«Ես ճամփորդ եմ» Paint նկարների շարք.
Հասմիկ Մելքոնյանի պատումը ֆիլմի տեսքով
Կարոլինա Եսայանի պատումը`
Հինգշաբթի օրը մենք դասարանով գնացինք ճամփորդության դեպի Բուժականի Թեղենյաց վանք: Այնտեղ շատ ուրախ օր անցկացրեցինք: Սար բարձրացանք, տարբեր մրցութային խաղեր կազմակերպեցինք: Երբ շատ քայլեցինք, որոշիցինք մի փոքր հանգստանանք և հաց ուտենք: Այնուհետև մենք մտանք եկեղեցի և այնտեղ երգեցինք: Մեր էքսկուրսիան շատ հետաքրքիր անցավ: Ես շատ եմ սիրում ճամփորդել: Երազում եմ տարբեր երկրներ տեսնել:
Արամ Բադալյանի պատումը`
Ճամփորդություն դեպի Բուժական
Սեպտեմբերի 20-ին մենք դասարանով գնացել էինք ճամփորդության: Առավոտյան մենք գնացինք դպրոց, երգեցինք, հետո երթուղայինով գնացինք Բուժական: Երբ հասանք տեղ, երթուղայինից իջանք ու բարձրացանք եկեղեցի: Այնտեղ մենք հեռախոսով նկարեցինք, երգեցինք արև-արև երգը: Հետո իջանք ներքև, հաց կերանք, խաղացինք ու վերադարձանք մեր դպրոց: Բուժականում մենք շատ ուրախ օր անցկացրեցինք:
Թոմ Մնացականյանի պատումը`
Ճամփորդություն դեպի բուժական
Այսօր մենք կարողացանք սար բարձրանալ և բարձրունք հաղթահարել : Այնտեղ մենք նախաճաշեցինք և տեսանք քանդված եկեղեցի: Այդ եկեղեցին 11 – րդ դարի եկեղեցի էր: Այնտեղ մենք երգեցինք 2 երգ:
Րաֆֆի Գրիգորյանի պատումը`
Մենք ամսի քսանին գնացինք Բուժական գյուղ , որպեսզի բարձունք հաղթահարենք ։ Այնտեղ տեսանք մի գետ և նրա վրայով անցանք։ Հետո մենք բարձրացանք և տեսանք Թեղենյանց Վանքը ։ Երբ տարածքը ուսումնասիրեցինք, երգեցինք, նկարվեցինք, իջանք անտառ։ Այտեղ սեղան կար , նստեցինք և քաղցրավենիքներ կերանք , ինչպես նաեւ հյուրասիրեցինք իրար: Մենք լավ անցկացրեցինք մեր ժամանակը և վերադարձանք Երեւան։
Գործունեություն-ամփոփում`
Մեր ճամփորդության, հաղթահարած բարձունքի մասին պատմող ֆիլմը
Բարի գալուստ Թամարա Մարիմյանի բլոգ 
[…] Սեպտեմբերի 20` Բուժական, թեղենյաց վանք, Թամարա Մարիմյան … […]